କନ୍ନୁର: କେରଳ ବିଧାନସଭା ନିର୍ବାଚନ ତାରିଖ ପାଖେଇ ଆସିବା ସହ ନିର୍ବାଚନୀ ପ୍ରଚାର କାର୍ଯ୍ୟକ୍ରମ ଜୋରଦାର ହୋଇଛି। କଂଗ୍ରେସ ନେତା ରାହୁଲ ଗାନ୍ଧୀ ଆଜି ଏକ ନିର୍ବାଚନ ରାଲିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ବିରୋଧରେ ଏକ ଗୁରୁତର ଅଭିଯୋଗ ଆଣିଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କେରଳ ବିଧାନସଭା ନିର୍ବାଚନରେ ଶାସକ ଏଲ୍ଡିଏଫ୍ର ବିଜୟ ଚାହାନ୍ତି ବୋଲି ରାହୁଲ ଅଭିଯୋଗ କରିଛନ୍ତି। ରାହୁଲ ପୁଣିଥରେ ତାଙ୍କ ଅଭିଯୋଗ ଦୋହରାଇ କହିଛନ୍ତି ଯେ କଂଗ୍ରେସ ନେତୃତ୍ବାଧୀନ ୟୁଡିଏଫ୍ ମୋର୍ଚ୍ଚା ଏଲଡିଏଫ୍ ଏବଂ ବିଜେପିର ମିଳିତ ମୋର୍ଚ୍ଚା ବିରୋଧରେ ନିର୍ବାଚନ ଲଢ଼ୁଛି। ୨ ଜଣ ସିପିଏମ୍ ନେତା ଭି କୁନହିକ୍ରିଷ୍ଣନ ଏବଂ ଟିକେ ଗୋବିନ୍ଦନ ଯେଉଁମାନେ ୟୁଡିଏଫ୍ ସମର୍ଥନରେ ସ୍ବାଧୀନ ଭାବେ ନିର୍ବାଚନ ଲଢ଼ୁଛନ୍ତି ସେମାନେ ମଧ୍ୟ ମଞ୍ଚ ଉପରେ ଉପସ୍ଥିତ ଥିଲେ।
ଆହୁରି ପଢନ୍ତୁ- Benjamin Netanyahu: ପାଲେଷ୍ଟାଇନୀମାନଙ୍କୁ ଫାଶୀ: ନେତାନ୍ୟାହୁ ସରକାର ଆଣିଲେ ମୃତ୍ୟୁ ପରୱାନା, ଦଣ୍ଡାଦେଶର ୯୦ ଦିନ ମଧ୍ୟରେ ମୃତ୍ୟୁଦଣ୍ଡ
ରାହୁଲ କହିଛନ୍ତି, ଏହି ନିର୍ବାଚନ ୨ଟି ବିଚାରଧାରା ମଧ୍ୟରେ ଲଢ଼େଇ। ଗୋଟିଏ ହେଉଛି ସିପିଏମ୍ ନେତୃତ୍ବାଧୀନ ବାମ ମୋର୍ଚ୍ଚା ଏବଂ ଅନ୍ୟଟି ୟୁଡିଏଫ୍। ପ୍ରଥମ ଥର ପାଇଁ ଆମେ ବିଜେପି ଏବଂ ବାମ ମୋର୍ଚ୍ଚା ମଧ୍ୟରେ ଏକ ସହଭାଗିତା ଦେଖୁଛୁ ବୋଲି ସେ କହିଛନ୍ତି। ରାହୁଲ କହିଛନ୍ତି, ଏହା ଖୁବ୍ ଆଶ୍ଚର୍ଯ୍ୟଜନକ ଯେ ଏକ ବାମ ମୋର୍ଚ୍ଚା ଦଳ ଅତିରିକ୍ତ ଭାବେ ଏକ ଦକ୍ଷିଣ ଦଳ ସହ ଏକାଠି ହୋଇଛି। ପରସ୍ପର ବିଚାରଧାରା ବିରୋଧୀ ୨ଟି ଦଳ କିଭଳି ଏକାଠି ହେଲେ ତାହା ଆଶ୍ଚର୍ଯ୍ୟଜନକ। ରାହୁଲ କହିଛନ୍ତି, ଆଜି ଯାହାକୁ ବାମ ମୋର୍ଚ୍ଚା କୁହାଯାଉଛି ତାହା ଆଉ ବାମ ମୋର୍ଚ୍ଚା ହୋଇନାହିଁ। ସେମାନେ ବିଜେପି ସହ ମିଶିଛନ୍ତି କାରଣ ସେମାନେ କର୍ପୋରେଟ୍ ଦଳ। ସେମାନେ ଆଉ ଲୋକଙ୍କ ଦଳ ହୋଇନାହାନ୍ତି। ପ୍ରମାଣ ଏବେ ମଞ୍ଚ ଉପରେ। ବାମ ମୋର୍ଚ୍ଚା ସମର୍ଥିତ ଲୋକମାନେ କଂଗ୍ରେସ ସହ ଅଛନ୍ତି ଏବଂ ଦଳ ସେମାନଙ୍କୁ ସମର୍ଥନ କରୁଛି ବୋଲି ସେ କହିଛନ୍ତି।
ଆହୁରି ପଢନ୍ତୁ- Kidney Stones: କିଡ୍ନୀ ପଥର କେବଳ ଯନ୍ତ୍ରଣାଦାୟକ ନୁହେଁ ବରଂ ଘାତକ ମଧ୍ୟ ହୋଇପାରେ, ଚାଲନ୍ତୁ ଜାଣିବା ଏହାଦ୍ବାରା କେଉଁ ସମସ୍ୟା ଦେଖାଯାଏ
