ମୁମ୍ବାଇ: ଉଦ୍ଧବ ଠାକରେଙ୍କ ପାଇଁ ସମୟ କିଛି ଭଲ ନାହିଁ। ଚାରି ବର୍ଷ ପୂର୍ବେ ଶିବସେନା ପ୍ରତିଷ୍ଠାତା ବାଲା ସାହେବ ଠାକରେଙ୍କ ପୁଅ ଏକ କଠିନ ପରିସ୍ଥିତିର ସାମନା କରିଥିଲେ, ଯେତେବେଳେ ଏକନାଥ ସିନ୍ଦେ ଦଳରେ ବିଭାଜନ ସୃଷ୍ଟି କରି ଦଳର ନାମ ଓ ଚିହ୍ନ ଛଡ଼ାଇ ନେଇଥିଲେ ଏବଂ ତତ୍କାଳୀନ ମହାବିକାଶ ଆଘାଡି ସରକାରର ପତନ ଘଟିଥିଲା। ତତ୍କାଳୀନ ମୁଖ୍ୟମନ୍ତ୍ରୀ ଥିବା ଠାକରେ କ୍ରୋଧିତ ହୋଇଥିଲେ କିନ୍ତୁ କିଛି କରିପାରିନଥିଲେ। ସେତେବେଳେ ଶିବସେନାର ବାରଜଣ ସାଂସଦ ସିନ୍ଦେଙ୍କ ସହ ହାତ ମିଳାଇ ବିଜେପି ସହ ମେଣ୍ଟ କରିଥିଲେ। ଏହି ସପ୍ତାହରେ ସେହି ଭୂତ ତାଙ୍କ ଦଳର ଅବଶିଷ୍ଟାଂଶକୁ କବଳିତ କରିବାକୁ ପୁଣି ଫେରିଛି। ଶିବସେନା (ୟୁବିଟି)ର ଅତି କମ୍ରେ ଛଅ ଜଣ ସାଂସଦ ଅଣ୍ଡରଗ୍ରାଉଣ୍ଡ ହୋଇଯାଇଛନ୍ତି। ସେମାନଙ୍କ ଫୋନ୍ ବନ୍ଦ। ଏହି ଛଅ ଜଣ ଆଜି ବିଳମ୍ବିତ ରାତିରେଏକନାଥ ସିନ୍ଦେ ଓ ତାଙ୍କ ପୁଅ ଶ୍ରୀକାନ୍ତଙ୍କୁ ଦିଲ୍ଲୀରେ ତାଙ୍କ ବାସଭବନରେ ଭେଟିବାର କାର୍ଯ୍ୟକ୍ରମ ରହିଛି, ଯାହା ପରେ ସେମାନେ ଲୋକସଭା ବାଚସ୍ପତି ଓମ୍ ବିର୍ଲାଙ୍କୁ ଭେଟିବାର ସମ୍ଭାବନା ରହିଛି।
ଆହୁରି ପଢନ୍ତୁ ;adulterated ghee for Lord Jagannath ମହାପ୍ରଭୁ ଜଗନ୍ନାଥଙ୍କୁ ନକଲି ଘିଅରେ ଭୋଗ!
ସୂତ୍ରରୁ ପ୍ରକାଶ ଯେ, ବିଦ୍ରୋହୀ ନେତାମାନେ କିଛି ଦିନ ଧରି ଠାକରେଙ୍କ ନେତୃତ୍ୱ ଉପରେ ଅସନ୍ତୁଷ୍ଟ ଥିଲେ। ଦଳରେ ଉପଯୁକ୍ତ ନେତୃତ୍ବର ଅଭାବ ଥିବା ସେମାନେ ଅନୁଭବ କରୁଥିଲେ। ରାଜନୈତିକ ଆହ୍ବାନକୁ ଦୂର କରିବାରେ ସାହାଯ୍ୟ କରିବା ପାଇଁ ବାରମ୍ବାର ଅନୁରୋଧ ସତ୍ତ୍ବେ ଦଳର ମାଲିକ ସେମାନଙ୍କ ନିର୍ବାଚନମଣ୍ଡଳୀ ପରିଦର୍ଶନ କରୁନାହାନ୍ତି ବୋଲି ସେମାନଙ୍କ ଅଭିଯୋଗରେ ଦର୍ଶାଯାଇଛି। ବରିଷ୍ଠ ନେତାଙ୍କ ସହ ଠାକରେ କେବେ ଯୋଗାଯୋଗ ରକ୍ଷା କରୁ ନ ଥିବା ମଧ୍ୟ ବିଦ୍ରୋହୀମାନେ ଅଭିଯୋଗ କରିଛନ୍ତି। ସୂତ୍ରରୁ ପ୍ରକାଶ ଯେ, ଏକାଧିକ ଥର ସାକ୍ଷାତ୍କାର ପାଇଁ ସମୟ ମାଗିଥିଲେ ମଧ୍ୟ ସେମାନେ ଠାକରେଙ୍କ ପୁଅ ଆଦିତ୍ୟ ଠାକରେଙ୍କୁ ଭେଟି ପାରିନଥିଲେ, ଯାହା ସେମାନଙ୍କ ଅସନ୍ତୋଷକୁ ବଢ଼ାଇଥିଲା। ଅନ୍ୟ ପ୍ରସଙ୍ଗ ହେଉଛି ସ୍ଥାନୀୟ ସଂସ୍ଥା ନିର୍ବାଚନ ସମୟରେ ଆର୍ଥିକ ସହାୟତାର ଅଭାବ। ସାଂସଦମାନେ ବାରମ୍ବାର ପାଣ୍ଠି ଓ ସାଂଗଠନିକ ସମର୍ଥନ ଲୋଡିଥିବା କୁହାଯାଉଛି ଯାହା କେବେ ସେମାନଙ୍କୁ ମିଳି ନ ଥିଲା।
